ਭਾਜਪਾ ਤੇ ਆਮ ਆਦਮੀ ਪਾਰਟੀ (ਆਪ) ਵਿਚਕਾਰ ਲੜਾਈ ਦਾ ਪੰਜਾਬ ਸ਼ਿਕਾਰ ਹੋ ਰਿਹਾ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਕਦੇ ਵੀ ਨੀਤੀ ਆਯੋਗ ਦੀਆਂ ਮੀਟਿੰਗਾਂ ਵਿੱਚ ਸ਼ਾਮਲ ਨਹੀਂ ਹੁੰਦੇ ਕਿਉਂਕਿ ਨੀਤੀ ਆਯੋਗ ਦੀ ਮੀਟਿੰਗ ਵਿੱਚ ਪ੍ਰਧਾਨ ਮੰਤਰੀ, ਵਿੱਤ ਮੰਤਰੀ ਅਤੇ ਰਿਜ਼ਰਵ ਬੈਂਕ ਦੇ ਗਵਰਨਰ ਮੌਜੂਦ ਹਨ। ਰਾਜ ਅਤੇ ਕੇਂਦਰ ਵਿਚਕਾਰ ਸਾਰੇ ਆਰਥਿਕ ਮਾਮਲਿਆਂ ‘ਤੇ ਵਿਵਾਦ ਹਨ। ਉਹ ਉੱਥੇ ਹੀ ਹੱਲ ਹੋਣਗੇ। ਪੰਜਾਬ ਬਦਕਿਸਮਤ ਹੈ ਕਿਉਂਕਿ ਕੇਂਦਰ ਇਹ ਦੇਣ ਲਈ ਤਿਆਰ ਨਹੀਂ ਹੈ ਤੇ ਪੰਜਾਬ ਦੇ ਮੁੱਖ ਮੰਤਰੀ ਇਹ ਨਹੀਂ ਮੰਗ ਰਹੇ। ਇਹ ਦੋਸ਼ ਪੰਜਾਬ ਕਾਂਗਰਸ ਦੇ ਸੀਨੀਅਰ ਆਗੂ ਪ੍ਰਤਾਪ ਸਿੰਘ ਬਾਜਵਾ ਨੇ ਲਗਾਇਆ ਹੈ।
ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਲੋਕਾਂ ਨੇ ਸੋਚਿਆ ਸੀ ਕਿ ਅੰਨਾ ਹਜ਼ਾਰੇ ਦੇ ਅੰਦੋਲਨ ਰਾਹੀਂ ਬਦਲਾਅ ਆਵੇਗਾ, ਪਰ ਇਹ ਧੋਖਾ ਸਾਬਤ ਹੋਇਆ। ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਕੋਲ ਝੂਠ ਬੋਲਣ ਵਿੱਚ ਦੋਹਰੀ ਪੀਐਚਡੀ ਹੈ ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਕੋਲ ਇੱਕ ਪੀਐਚਡੀ ਹੈ। ਉਨ੍ਹਾਂ ਕੋਲ ਝੂਠ ਤੋਂ ਇਲਾਵਾ ਕੁਝ ਨਹੀਂ ਹੈ।
ਉਨ੍ਹਾਂ ਪੁੱਛਿਆ ਕਿ ਪੰਜਾਬ ‘ਚ ਹੀ ਵਿਕਰੀ ਵਾਲੀ ਸ਼ਰਾਬ ਦਿੱਲੀ ਕਿਵੇਂ ਪਹੁੰਚ ਗਈ? ਦਿੱਲੀ ਵਿੱਚ ਪੰਜਾਬ ਦੇ ਮੁੱਖ ਮੰਤਰੀ ਦੇ ਘਰ ‘ਤੇ ਛਾਪਾ ਮਾਰਿਆ, ਪਰ ਸਾਰੇ ਦਰਵਾਜ਼ੇ ਬੰਦ… ਪੰਜਾਬ ਵਿੱਚ ਹਜ਼ਾਰਾਂ ਕਰੋੜਾਂ ਰੁਪਏ ਦੀ ਲੁੱਟ ਨਜਾਇਜ਼ ਸ਼ਰਾਬ ਅਤੇ ਨਜਾਇਜ਼ ਮਾਈਨਿੰਗ ਰਾਹੀਂ ਕੀਤੀ ਜਾ ਰਹੀ ਹੈ. ਅੰਮ੍ਰਿਤਸਰ ਦੇ ਮੇਅਰ ਨੇ ਹਾਲ ਹੀ ‘ਚ ਆਪਣਾ 9 ਕਰੋੜ ਦਾ ਹੋਟਲ ਵੇਚਿਆ ਅਤੇ ਇਸ ‘ਚੋਂ ਵੱਡੀ ਰਕਮ ਦਿੱਲੀ ‘ਚ ਆਈ, ਹਰ ਮੇਅਰਸ਼ਿਪ ਵੇਚੀ ਗਈ।
