ਫੋਨ ਚੋਰੀ ਦੇ ਮਾਮਲੇ ਅਕਸਰ ਦੇਖਣ-ਸੁਨਣ ਨੂੰ ਮਿਲਦੇ ਹਨ। ਅਜਿਹੇ ‘ਚ ਸਵਾਲ ਇਹ ਉੱਠਦਾ ਹੈ ਕਿ ਜੇਕਰ ਸਮਾਰਟਫ਼ੋਨ ਚੋਰੀ ਹੋ ਗਿਆ ਹੈ ਤਾਂ ਫ਼ੋਨ ਦਾ ਪਤਾ ਕਿਵੇਂ ਲਗਾਇਆ ਜਾਵੇ? ਬਹੁਤ ਸਾਰੇ ਲੋਕ ਜਵਾਬ ਦੇਣਗੇ ਕਿ ਫਾਈਂਡ ਮਾਈ ਡਿਵਾਈਸ ਇੱਕ ਫ਼ੀਚਰ ਹੈ, ਇਹ ਫੋਨ ਨੂੰ ਆਸਾਨੀ ਨਾਲ ਲੱਭਣ ਵਿੱਚ ਮਦਦ ਕਰੇਗਾ।
ਪਰ ਤੁਹਾਨੂੰ ਦੱਸ ਦਈਏ ਕਿ ਫਾਈਂਡ ਮਾਈ ਡਿਵਾਇਸ ਫੀਚਰ ਉਦੋਂ ਹੀ ਕੰਮ ਕਰਦਾ ਹੈ ਜਦੋਂ ਫੋਨ ਦਾ ਇੰਟਰਨੈੱਟ ਚੱਲ ਰਿਹਾ ਹੋਵੇ। ਚੋਰੀ ਤੋਂ ਬਾਅਦ ਚੋਰ ਪਹਿਲਾਂ ਉਸ ਨੂੰ ਸਵਿੱਚ ਆਫ ਕਰ ਦਿੰਦਾ ਹੈ ਜਿਸ ਕਾਰਨ ਫੋਨ ਦਾ ਇੰਟਰਨੈੱਟ ਕਨੈਕਸ਼ਨ ਬੰਦ ਹੋ ਜਾਂਦਾ ਹੈ। ਅਜਿਹੇ ‘ਚ ਇਹ ਫੀਚਰ ਕੰਮ ਨਹੀਂ ਕਰੇਗਾ ਅਤੇ ਫੋਨ ਨੂੰ ਟਰੇਸ ਕਰਨਾ ਕਾਫੀ ਮੁਸ਼ਕਿਲ ਹੋ ਜਾਵੇਗਾ। ਅਜਿਹਾ ਤੁਹਾਡੇ ਨਾਲ ਵੀ ਹੋ ਸਕਦਾ ਹੈ, ਇਸ ਹਾਲ ਵਿਚ ਵਿੱਚ ਪਹਿਲਾਂ ਤੋਂ ਤਿਆਰੀ ਕਰਨਾ ਜ਼ਰੂਰੀ ਹੈ।
ਤੁਹਾਨੂੰ ਬਹੁਤਾ ਕੁਝ ਕਰਨ ਦੀ ਲੋੜ ਨਹੀਂ ਹੈ, ਸਿਰਫ ਫ਼ੋਨ ਦੀ ਸੈਟਿੰਗ ਵਿੱਚ ਇੱਕ ਛੋਟੀ ਜਿਹੀ ਤਬਦੀਲੀ ਕਰਨੀ ਪਵੇਗੀ। ਸੈਟਿੰਗਾਂ ਵਿੱਚ ਇਹ ਛੋਟਾ ਜਿਹਾ ਬਦਲਾਅ ਕਰਨ ਤੋਂ ਬਾਅਦ, ਭਾਵੇਂ ਤੁਹਾਡਾ ਫ਼ੋਨ ਸਵਿੱਚ ਆਫ਼ ਹੈ ਜਾਂ ਇੰਟਰਨੈੱਟ ਨਾਲ ਕਨੈਕਟ ਨਹੀਂ ਹੈ, ਤੁਸੀਂ ਫ਼ੋਨ ਨੂੰ ਆਸਾਨੀ ਨਾਲ ਟਰੇਸ ਕਰ ਸਕੋਗੇ।
ਇਨ੍ਹਾਂ ਸੈਟਿੰਗਾਂ ‘ਚ ਕਰੋ ਬਦਲਾਅ
ਸਭ ਤੋਂ ਪਹਿਲਾਂ ਆਪਣੇ ਫੋਨ ਦੀ ਸੈਟਿੰਗ ਨੂੰ ਓਪਨ ਕਰੋ। ਸੈਟਿੰਗ ‘ਚ ਜਾਣ ਤੋਂ ਬਾਅਦ ਤੁਹਾਨੂੰ ਗੂਗਲ ਆਪਸ਼ਨ ‘ਤੇ ਕਲਿੱਕ ਕਰਨਾ ਹੋਵੇਗਾ। ਗੂਗਲ ‘ਤੇ ਕਲਿੱਕ ਕਰਨ ਤੋਂ ਬਾਅਦ, ਤੁਹਾਨੂੰ Find My Device ਦਾ ਵਿਕਲਪ ਦਿਖਾਈ ਦੇਵੇਗਾ, ਇਸ ਵਿਕਲਪ ‘ਤੇ ਕਲਿੱਕ ਕਰੋ।
ਜਿਵੇਂ ਹੀ ਤੁਸੀਂ Find My Device ਫੀਚਰ ‘ਤੇ ਕਲਿੱਕ ਕਰੋਗੇ, ਤੁਹਾਨੂੰ Find Your Offline Device ਲਿਖਿਆ ਹੋਇਆ ਵਿਕਲਪ ਮਿਲੇਗਾ। ਜਿਵੇਂ ਹੀ ਤੁਸੀਂ Find Your Offline Device ‘ਤੇ ਕਲਿੱਕ ਕਰੋਗੇ, ਤੁਹਾਨੂੰ ਕਈ ਵਿਕਲਪ ਦਿਖਾਈ ਦੇਣਗੇ।
ਇਹਨਾਂ ਵਿੱਚੋਂ ਤੁਹਾਨੂੰ Without Network ਵਿਕਲਪ ਨੂੰ ਚਾਲੂ ਕਰਨਾ ਹੋਵੇਗਾ। ਇਸ ਆਪਸ਼ਨ ‘ਚ ਤੁਹਾਨੂੰ ਇਹ ਲਿਖਿਆ ਵੀ ਮਿਲੇਗਾ ਕਿ ਇਹ ਫੀਚਰ ਫੋਨ ਦੀ ਹਾਲੀਆ ਲੋਕੇਸ਼ਨ ਤੋਂ ਲੱਭਣ ‘ਚ ਤੁਹਾਡੀ ਮਦਦ ਕਰੇਗਾ।
