ਆਪਣੇ WiFi ਨੈੱਟਵਰਕ ਨੂੰ ਕਿਵੇਂ ਸੁਰੱਖਿਅਤ ਕਰੀਏ: ਇੰਟਰਨੈੱਟ ਅੱਜ ਸਾਡੇ ਸਾਰਿਆਂ ਦੀ ਲੋੜ ਬਣ ਗਿਆ ਹੈ। ਇਸ ਤੋਂ ਬਿਨਾਂ ਲਾਈਫ ਇਮੇਜਿਨ ਕਰਨਾ ਵੀ ਮੁਸ਼ਕਲ ਹੈ। ਅੱਜ, ਲਗਭਗ ਸਾਡੇ ਸਾਰਿਆਂ ਦੇ ਘਰਾਂ ਵਿੱਚ ਵਾਈਫਾਈ ਲੱਗਿਆ ਹੋਇਆ ਹੈ। ਇਸ ਨਾਲ ਘਰ ਦੇ ਸਾਰੇ ਗੈਜੇਟਸ ਜਿਵੇਂ ਕਿ ਲੈਪਟਾਪ, ਸਮਾਰਟਫੋਨ, ਟੀ.ਵੀ., ਐਮਾਜ਼ਾਨ ਅਲੈਕਸਾ ਅਤੇ ਹੋਰ ਕਈ ਡਿਵਾਈਸ ਕਨੈਕਟ ਰਹਿੰਦੇ ਹਨ। ਡਿਜੀਟਲ ਯੁੱਗ ‘ਚ ਵਾਈ-ਫਾਈ ਦੀ ਸੇਫਟੀ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿਉਂਕਿ ਜੇਕਰ ਤੁਸੀਂ ਇਸ ‘ਚ ਲਾਪਰਵਾਹੀ ਕਰਦੇ ਹੋ ਤਾਂ ਤੁਹਾਡਾ ਡਾਟਾ ਹੈਕ ਹੋ ਸਕਦਾ ਹੈ। ਅਸੀਂ ਤੁਹਾਨੂੰ ਕੁਝ ਅਜਿਹੇ ਟਿਪਸ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣਾ ਵਾਈਫਾਈ ਕਨੈਕਸ਼ਨ ਸਿਕਿਊਰ ਕਰ ਸਕਦੇ ਹੋ।
ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਜ਼ਰੂਰੀ
1. ਕਦੇ ਵੀ ਆਪਣੇ ਘਰੇਲੂ ਨੈੱਟਵਰਕ ਦੇ ਡਿਫੌਲਟ ਨਾਮ ਅਤੇ ਪਾਸਵਰਡ ਦੀ ਵਰਤੋ ਨਾ ਕਰੋ। ਨੈੱਟਵਰਕ ਦਾ ਨਾਮ ਬਦਲਣ ਲਈ, ਪਹਿਲਾਂ ਵਿੰਡੋਜ਼ ਕਮਾਂਡ ਪ੍ਰੋਂਪਟ ‘ਤੇ ਜਾਓ, ਇੱਥੇ “ipconfig” ਟਾਈਪ ਕਰੋ ਅਤੇ ਫਿਰ ਇੰਟਰਨੈਟ ਬ੍ਰਾਊਜ਼ਰ ‘ਤੇ ਜਾਓ ਅਤੇ ਆਪਣਾ IP Address ਲੱਭੋ। ਫਿਰ ਆਪਣੇ ਰਾਊਟਰ ਦੇ ਲੌਗਇਨ ਕ੍ਰੈਡੈਂਸ਼ੀਅਲ ਦਾਖਲ ਕਰੋ ਅਤੇ WiFi ਸੈਟਿੰਗਾਂ ਨੂੰ ਖੋਲ੍ਹੋ, SSID ਅਤੇ ਪਾਸਵਰਡ ਬਦਲੋ।
2. ਆਪਣੇ WiFi Crenditial ਨੂੰ ਉਨ੍ਹਾਂ ਲੋਕਾਂ ਨਾਲ ਸਾਂਝਾ ਨਾ ਕਰੋ ਜਿਨ੍ਹਾਂ ਨੂੰ ਤੁਸੀਂ ਨਹੀਂ ਜਾਣਦੇ ਹੋ। ਭਾਵੇਂ ਤੁਹਾਨੂੰ ਉਹ ਜਿੰਨਾ ਮਰਜ਼ੀ ਕਹਿਣ, ਤੁਸੀਂ ਇੱਕ ਗੈਸਟ ਨੈਟਵਰਕ ਬਣਾ ਸਕਦੇ ਹੋ ਤਾਂ ਜੋ ਕਿਸੇ ਤੀਜੇ ਵਿਅਕਤੀ ਨੂੰ ਤੁਹਾਡੇ ਪ੍ਰਾਇਮਰੀ ਵਾਈਫਾਈ ਨਾਲ ਜੁੜੇ ਡਿਵਾਈਸਾਂ ਬਾਰੇ ਜਾਣਕਾਰੀ ਨਾ ਮਿਲੇ।
3. ਵਾਈਫਾਈ ਇਨਕ੍ਰਿਪਸ਼ਨ ਚਾਲੂ ਰੱਖੋ। ਇਸ ਦਾ ਫਾਇਦਾ ਇਹ ਹੋਵੇਗਾ ਕਿ ਵਾਇਰਲੈੱਸ ਚੈਨਲ ਅਤੇ ਡਿਵਾਈਸ ਵਿਚਕਾਰ ਸਾਂਝਾ ਕੀਤਾ ਗਿਆ ਡੇਟਾ ਐਨਕ੍ਰਿਪਟਡ ਰਹੇਗਾ।
4. ਜਦੋਂ ਤੁਸੀਂ ਵਾਈਫਾਈ ਦੀ ਵਰਤੋਂ ਨਹੀਂ ਕਰ ਰਹੇ ਹੋ ਜਾਂ ਘਰ ਤੋਂ ਬਾਹਰ ਨਹੀਂ ਜਾ ਰਹੇ ਹੋ, ਤਾਂ ਇਸ ਨੂੰ ਬੰਦ ਕਰ ਦਿਓ ਤਾਂ ਕਿ ਕੋਈ ਵੀ ਨੈੱਟਵਰਕ ਤੱਕ ਪਹੁੰਚ ਨਾ ਕਰ ਸਕੇ।
5. ਆਪਣੇ ਵਾਈਫਾਈ ਨੈੱਟਵਰਕ ਦੇ ਫਰਮਵੇਅਰ ਨੂੰ ਨਿਯਮਿਤ ਤੌਰ ‘ਤੇ ਇਸਦੀ ਅਧਿਕਾਰਤ ਵੈੱਬਸਾਈਟ ਤੋਂ ਡਾਊਨਲੋਡ ਕਰਦੇ ਰਹੋ।
ਸਮਝਦਾਰੀ ਨਾਲ ਕਰੋ ਇੰਟਰਨੈੱਟ ਦੀ ਵਰਤੋਂ
ਧਿਆਨ ਦਿਓ, ਇੰਟਰਨੈੱਟ ਦੀ ਵਰਤੋਂ ਸਮਝਦਾਰੀ ਅਤੇ ਸਾਵਧਾਨੀ ਨਾਲ ਕਰੋ, ਤੁਹਾਡਾ ਇੱਕ ਗਲਤ ਕਲਿੱਕ ਤੁਹਾਡੇ ਡੇਟਾ ਜਾਂ ਪੈਸੇ ਬਾਰੇ ਦੂਜਿਆਂ ਨੂੰ ਜਾਣਕਾਰੀ ਦੇ ਸਕਦਾ ਹੈ।
