ਪਹਿਲੀ ਵਾਰ ਨਗਰ ਨਿਗਮ ਵੱਲੋਂ ਇਸ ਤਰ੍ਹਾਂ ਦੀ ਕਾਰਵਾਈ ਕੀਤੀ ਗਈ। ਮਨੀਮਾਜਰਾ ਦੇ ਵਾਰਡ-5 (ਮੋਰੀ ਗੇਟ) ਅਤੇ ਵਾਰਡ-6 (ਗੋਵਿੰਦਪੁਰਾ) ਵਿੱਚ ਨਗਰ ਨਿਗਮ ਦੇ ਸਫਾਈ ਇੰਸਪੈਕਟਰ ਦਵਿੰਦਰ ਰੋਹਿੱਲਾ ਨੇ ਜਾ ਕੇ ਢੋਲ ਵਜਵਾਏ। ਦੂਜੇ ਪਾਸੇ ਸੀਨੀਅਰ ਡਿਪਟੀ ਮੇਅਰ ਨੇ ਇਸ ਕਾਰਵਾਈ ਦਾ ਵਿਰੋਧ ਵੀ ਕੀਤਾ ਹੈ।
ਨਿਗਮ ਦੇ ਫੈਸਲੇ ਦਾ ਸੀਨੀਅਰ ਡਿਪਟੀ ਮੇਅਰ ਨੇ ਕੀਤਾ ਵਿਰੋਧ
ਸੀਨੀਅਰ ਡਿਪਟੀ ਮੇਅਰ ਜਸਬੀਰ ਸਿੰਘ ਬੰਟੀ ਨੇ ਕਿਹਾ ਕਿ ਇਸ ਤਰ੍ਹਾਂ ਕਿਸੇ ਨੂੰ ਜ਼ਲੀਲ ਕਰਨਾ ਠੀਕ ਨਹੀਂ। ਇਹ ਫੈਸਲਾ ਗਲਤ ਹੈ ਅਤੇ ਇਸਨੂੰ ਵਾਪਸ ਲਿਆ ਜਾਣਾ ਚਾਹੀਦਾ ਹੈ। ਜਸਬੀਰ ਸਿੰਘ ਬੰਟੀ ਦਾ ਕਹਿਣਾ ਹੈ ਕਿ ਅਸੀਂ ਵੀ ਚਾਹੁੰਦੇ ਹਾਂ ਕਿ ਸ਼ਹਿਰ ਸੁੰਦਰ ਦਿਖੇ ਅਤੇ ਸੜਕਾਂ ‘ਤੇ ਕੂੜਾ ਨਾ ਹੋਵੇ। ਪਰ ਇਸਦਾ ਇਹ ਮਤਲਬ ਨਹੀਂ ਕਿ ਕਿਸੇ ਨੂੰ ਜ਼ਲੀਲ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਲੋਕਾਂ ਤੋਂ ਫੋਟੋਆਂ ਮੰਗਵਾਈਆਂ ਜਾਣੀਆਂ ਚਾਹੀਦੀਆਂ ਹਨ ਅਤੇ ਕੂੜਾ ਸੁੱਟਣ ਵਾਲਿਆਂ ਦੇ ਘਰ ਜਾ ਕੇ ਨਗਰ ਨਿਗਮ ਦੇ ਕਰਮਚਾਰੀਆਂ ਵੱਲੋਂ ਉਨ੍ਹਾਂ ਨੂੰ ਜਾਗਰੂਕ ਕੀਤਾ ਜਾਣਾ ਚਾਹੀਦਾ ਹੈ। ਸਿਰਫ ਇਸ ਤਰ੍ਹਾਂ ਹੀ ਇਹ ਮੁਨਕਿਨ ਹੋ ਸਕੇਗਾ।
ਨਗਰ ਨਿਗਮ ਨੇ ਦਿੱਤਾ ਸੀ ਇਹ ਹੁਕਮ
ਚੰਡੀਗੜ੍ਹ ਨਗਰ ਨਿਗਮ ਨੇ ਹਾਲ ਹੀ ਵਿੱਚ ਐਲਾਨ ਕੀਤਾ ਸੀ ਕਿ ਜੇ ਕੋਈ ਕੂੜਾ ਸੁੱਟਦਾ ਹੋਵੇ ਤਾਂ ਉਸਦਾ ਵੀਡੀਓ ਸਬੂਤ ਵਜੋਂ ਰੱਖਿਆ ਜਾਵੇਗਾ ਅਤੇ ਬਾਅਦ ਵਿੱਚ ਨਗਰ ਨਿਗਮ ਦੇ ਕਰਮਚਾਰੀ ਉਹੀ ਕੂੜਾ ਘਰ ਲੈ ਕੇ ਜਾਣਗੇ। ਬੈਂਡ-ਬਾਜੇ ਨਾਲ ਘਰ ਦਾ ਵੀਡੀਓ ਬਣਾਇਆ ਜਾਵੇਗਾ ਅਤੇ ਬਾਅਦ ਵਿੱਚ ਇਸਨੂੰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰ ਦਿੱਤਾ ਜਾਵੇਗਾ। ਸ਼ਰਮਿੰਦਾ ਕਰਨ ਲਈ ਕਿਹਾ ਗਿਆ, “ਕੂੜਾ ਸੁੱਟ ਰਹੇ ਹੋ? ਮੁਸਕਰਾਓ… ਤੁਸੀਂ ਕੈਮਰੇ ‘ਤੇ ਹੋ, ਗਾਣਾ ਵੀ ਵਜਾਇਆ ਜਾਵੇਗਾ।”
ਕੂੜਾ ਸੁੱਟਦੇ ਦਿਖੇ ਤਾਂ ਵਟਸਐਪ ‘ਤੇ ਕਰੋ ਸ਼ਿਕਾਇਤ
ਨਗਰ ਨਿਗਮ ਵੱਲੋਂ ਸ਼ਿਕਾਇਤ ਨੰਬਰ ਜਾਰੀ ਕਰਦਿਆਂ ਕਿਹਾ ਗਿਆ ਕਿ ਜੇ ਕੋਈ ਕੂੜਾ ਸੁੱਟਦੇ ਹੋਏ ਦਿਖੇ ਤਾਂ ਉਸਦਾ ਵੀਡੀਓ ਜਾਂ ਫੋਟੋ ਖਿੱਚ ਕੇ ਸ਼ਿਕਾਇਤ ਸੰਬੰਧੀ ਜਾਰੀ ਵਟਸਐਪ ਨੰਬਰ 9915762917 ‘ਤੇ ਭੇਜਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਨਗਰ ਨਿਗਮ ਦੇ IM Chandigarh ਐਪ ‘ਤੇ ਵੀ ਇਸਨੂੰ ਅੱਪਲੋਡ ਕੀਤਾ ਜਾ ਸਕਦਾ ਹੈ।
ਕਮਿਸ਼ਨਰ ਨੇ ਕਿਹਾ ਕਿ ਲੋਕ ਪਬਲਿਕ ਥਾਵਾਂ ‘ਤੇ ਕੂੜਾ-ਕਚਰਾ ਨਾ ਫੈਲਾਉਣ। ਆਪਣੇ ਆਸ-ਪਾਸ ਸਫਾਈ ਬਣਾਈ ਰੱਖਣ। ਸ਼ਹਿਰ ਦੇ ਸਫਾਈ ਅਭਿਆਨ ਵਿੱਚ ਸਰਗਰਮ ਤਰੀਕੇ ਨਾਲ ਸਹਿਯੋਗ ਦਿਓ। ਕੂੜਾ ਨਿਪਟਾਰੇ ਦੇ ਮਾਪਦੰਡਾਂ ਦਾ ਪਾਲਣ ਕਰਨ ਅਤੇ ਚੰਡੀਗੜ੍ਹ ਦੀ ਸ਼ਾਨ ਨੂੰ ਬਰਕਰਾਰ ਰੱਖਣ ਵਿੱਚ MCC ਨਾਲ ਮਿਲ ਕੇ ਕੰਮ ਕਰੋ।
